TÓMATSOÐIÐ

Laukurinn saxaður, settur í pott og látinn malla þar til hann er glær.

Fennel, sellerí, chili bætt út í. Síðan er niðursoðnum tómötum, öllum kryddunum
og grænmetiskraftinum bætt út í. Rauðvíninu hellt í pottinn.
Látið suðuna koma upp og látið síðan malla við lágan hita í klukkustund.

Soðið er sett í gegnum sigti í skál. Notið sleif til að þrýsta sem mestu af grænmetinu í gegn.
Þolinmæði og töluverður kraftur skiptir máli hér.

PAPRIKAN

Þá er komið að paprikunni. Skerið paprikuna í tvennt, setjið á bökunarplötu,
penslið með olífuolíu. Setjið í 250 gráðu heitan ofn, með blæstri, og bakið
þangað til paprikurnar eru orðnar svartar að utan.

Takið paprikurnar út, setjið í skál og breiðið plastfilmu yfir.
Látið liggja í 10 mínútur – en á þeirri stundu hefur svarta húðin losnað
og auðvelt er að fjarlægja hana.

Paprikan er sett í matvinnsluvél ásamt valhnetunum, olífuolíu og brauðsneiðunum.
Þessu er blandað saman þar til úr verður þykkt mauk.

LOKAKAFLINN

Þá er soðinu bætt út í maukið, nokkrum teskeiðum í senn, þangað til blandan er hæfilega þykk.
Smakkið og bætið, ef vill, við hálfri teskeið af salti og tabasco sósu.
Allt eftir smekk.